سەنتەری رۆژهەڵاتی ناوەراست لە زانکۆی LSE کۆنفرانسی دیراساتی کوردی رێکدەخات
هەواڵ : 4/29/2026
شانشینی
یەکگرتوو، لەندن، www.uk.gov.krd. سەنتەری رۆژهەڵاتی ناوەراستی سەر بە زانکۆی LSE لە لەندەن چوارەمین کۆنفرانسی ساڵانەی
دیراساتی کوردی رێکخست و شاندێکی نوێنەرایەتی حکومەتی هەرێمی کوردستان لە
بەریتانیا کە پێکهاتبوو لە خەسرۆ ئاژگەیی بەڕێوەبەری پهیوهندیەکان و پهرهپێدان
و هاوڕێ واحید بەڕێوەبەری بازرگانی و وەبەرهێنان و ستیوارت وەین لە نووسینگەی
نوێنەری حکومەتی هەرێم بەشداریان تێیدا کرد.
لە
کۆنفڕانسەکەدا ژمارهیهك توێژینەوەی ئەکادیمی زانکۆ جیاکانی کوردستان و بەریتانیا
و جیهان لە چوارچێوەی پانێڵی جیا جیا کە سێ رۆژی خایاند پێشکەشکران ، وە فۆکسیان
خستبووە سەر لایەنەکانی سیاسی و کۆمەڵایەتی و کەلتووری کوردی رۆڵی کاریگەری کورد
لە نەخشەی سیاسی لە رۆژهەڵاتی ناوەراست. توێژەرە بەشداربووەکان بابەتی شیکاریان
لەسەر مێژوو و خەبات و بەرخودانی گەلی کورد و دۆخی پارچەکانی تری کوردستان و
بەربەست و ئاستهنگییهکانی بەردەم دۆزی کورد پێشکەشکرد.
بەشێکی تری توێژینەوە
پێشکەشکراوەکان تایبەت بوون بە رۆڵ و کاریگەری کورد و بزووتنەوە سیاسیەکەی لەسەر
ژیانی سیاسی و سەقامگیری ناوچەی ڕۆژهەڵاتی ناوەڕاست، لە نێویشیاندا ژمارەیەك پانێڵ
و توێژینەوە لەسەر ئهزموونی حوکمڕانی هەرێمی کوردستان پێشكەشکران.
شایانی
باسە، ساڵ لە دوای ساڵ خواستی توێژەرانی جیهان لە بەشداریکردن لەو کۆنفرانسە زیاتر
دەبێت، وە توێژینەوەکان لە سەر کورد و دۆزەکەی و رۆڵی هەرێمی کوردستان وەك
ئەکتەرێکی بەهێزی سیاسی لە رۆژهەڵاتی ناوەراست روو لە زیادبوون دەکات.
زانکۆی LSE، لەندەن
٢٩ی نیسان – ١ی ئایاری ٢٠٢٦