بەرحەياتي ( ژياننامە) ئه‌و دۆکیومەنتەیە که ده‌یسه‌لمێنێت هەڵگرەکەی له ژیاندا ماوە.
بەڵگەنامە پێویستەکان بۆ دەرکردنی ژیاننامە:
١. ناسنامەیەکی ئەو کەسەی ژیاننامەی بۆ دەکرێت (باری شارستانی، ڕەگەزنامەی عیراقی، پاسەپۆڕتی عیراقی، کارتی نیشتیمانی).
٢. وێنەیەکی
کەسی قەبارەی پاسەپۆڕت .
تێبینی:
١. پێویستە هەموو بەڵگەنامە پێویستەکان لەگەڵ خۆتدا بێنیت و بە شێوەیەکی ڕێك و پێك چاپ کرابێت و ڕوون بێت. سکرین شۆت قەبوڵ ناکرێت.
٢. ناسنامەی کۆن کە لە کاتی منداڵیەوە دەرکرابێت و سیمای کەسەکە لەگەڵ وێنەی سەر ناسنامەکە لەیەك نەچن قەبوڵ ناکرێت.
٣. دەبێت ژیاننامە ڕەسەنەکە ڕەوانەی کوردستان بکەیتەوە. کۆپی دۆکیومەنتەکە بە هیچ شێوەیەك کاری پێناکرێت له هه‌رێمی کوردستان.
٤. دەبێت بەر لە بەکارهێنانی ژیاننامە لە کوردستان، سەرەتا لە فەرمانگەی پەیوەندیەکانی دەرەوە و دواتر لە وەزارەتی داد مۆر بکرێن، پاشان له ده‌زگا فه‌رمییه‌کانی حکومەت کاری پێده‌کرێت.
ڕۆژانی کارکردن: دووشەمە تاکو هەینی کاتژمێر ١٠-٤ی ئێوارە.
ناونیشانی بەشی کونسوڵگەری:
KRG UK Representation
2
Hobart Place
Belgravia
London SW1H 0RH
نزيکترين وێستگەی شه‌مه‌نده‌فه‌ر و ئامانە (پاس):
وێستگەی شەمەنده‌فەر و میتڕۆی ڤـیکـتـۆريا Train and Underground Station Victoria :
وێستگه‌ی ئامانە (پاسی) سەرەکی ڤیکتۆریا :Victoria Coach Station
سەبارەت بەو هاووڵاتیانەی کە لەبەر هەر هۆکارێك ناتوانن سەردانی نووسینگەی نوێنەرایەتی بکەن بۆ دەرکردنی ئەو بریکارنامەیە، پێویستە ڕەچاوی ئەو خاڵانەی خوارەوە بکەن:
١. فۆڕمی ژیاننامە بە زمانی ئینگلیزی چاپ بکەن و پڕی بکەنەوە
٢. فۆڕمەکە ببەن بۆ لای دادنووسێك (Notary Public) یان پارێزەرێك لە شارەکەتان بۆ ڕاستاندن و مۆر کردن. نابێت دادنووسەکە یان پارێزەکەرە لە شارێکی تر بێت.
٣. فۆڕمی ژیاننامە بە زمانی کوردی چاپ بکەن و پڕی بکەنەوە. دەبێت فۆڕمەکە هەمووی پڕ بکرێتەوە و واژوو (ئیمزا) بکرێت.
٤. هەردوو فۆڕمەکە لەگەڵ پێناسەی عیراقی کەسەکە، وە وێنەیەکی کەسی قەبارەی پاسەپۆڕت بە پۆستی تایبەت (Special Delivery) بۆ ناونیشانی بەشی کونسوڵگەری کە لەخوارەوەدا هاتووە بنێرن، وە زەڕفێکی بەتاڵی هەمان پۆستی تایبەت کە ناونیشانی خۆتانی لەسەر بێت لەگەڵیدا ڕەوانە بکەن بۆ ئەوەی کە بریکارنامەکەتان تەواو بوو بۆتان ڕەوانە بکەینەوە.
ناونیشانی بەشی کونسوڵگەری:
KRG UK Representation
2
Hobart Place
Belgravia
London SW1H 0RH
بۆ زانياري زياتر پەيوەندي بکەن بە:
ژمارەی تەلەفۆن: ( 02039279870 )
ئیمه‌یڵ: ( uk@gov.krd)