نوێنەرایەتی حکومەتی هەرێم بەشداری لە بۆنەی پێشوازی هەرێمی فلاندەرز دەکات

له‌نده‌ن، شانشینی یه‌کگرتوو، www.uk.gov.krd.،  بەڕێوەبەری بازرگانی و وەبەرهێنان، هاوڕێ یوسف لە نوێنەرایەتی حکومەتی هەرێم بەشداری لە بۆنە پێشوازی ساڵانه‌ی نوێنەرایەتی گشتی هەرێمی فلاندەرز کرد و پیرۆزبایی نوێنەری حکومەتی گەیاندە  دەیڤید ماینۆت نوێنەری گشتی هەرێمی فلاندەرز لە شانشینی یەکگرتوو و لە ڕێی ئەویشەوە بۆ حکومه‌ت و گەلی فلانده‌رس و هیوای سەرکەوتنی بۆ خواستن.

له‌په‌راوێزدا هه‌ردوولا تیشکیان خستە سەر پەیوەندیە بەهێز و دووقۆڵیەکان و جەخت لەسەر هەماهەنگی بەردەوام کرایه‌وە.

هەر لە بۆنەکەدا شاندی نوێنەرایەتی چاوی کەوت بە ژمارەیەك دیبلۆماتکار و مێوانانی بۆنەکە  و گفتوگۆ لەسەر دوایین پەرەسەندنەکانی دۆخی هەرێمی کوردستان و عیراق و ناوچەکە بە گشتی په‌یوه‌ندییه‌ ئابوورییه‌کان کرا.

شانشینی یه‌کگرتوو
١٤ کانوونی دووه‌م ٢٠٢٦