نوێنەری حکومەتی هەرێم لەگەڵ باڵیۆزی شانشینی یەکگرتوو لە عیراقی فیدراڵ کۆدەبێتەوە

شانشینی یەکگرتوو، لەندەن،www.uk.gov.krd . کاروان جمال تاهیر نوێنەری حکومەتی هەرێمی کوردستان لە بەریتانیا دیدارێکی لەگەڵ عیرفان سدیق باڵیۆزی شانشینی یەکگرتوو لە عیراقی فیدراڵ ئەنجامدا.

لە دیدارەکەدا کە دەیڤد هەنت بەرپرسی بەشی عیراق و یەمەن لە وەزارەتی دەرەوەی بەریتانیا ئامادەبوو، نوێنەری حکومەتی هەرێم پوخته‌یه‌کی دەربارەی دۆخی ئێستای هەرێمی کوردستان و عیراق و ناوچەکە پێشکەشکرد و ئاماژەی بە پەیوەندی و هاوبه‌شی بەهێزی دوولایه‌نه‌ی نێوان هەرێمی کوردستان و بەریتانیادا لە هەموو بوارەکاندا خسته‌ ڕوو. هەروەها تیشکی خستە سەر کێشەکانی نێوان هەولێر و بەغدا و داوای کرد بەریتانیا هاوکاربێت له‌چاره‌سه‌رکردنی ئاستنه‌گییه‌کانی نێوان فیدڕاڵ و هه‌رێم بە پشتبەستن بە دەستوری عیراقی فیدراڵ.

هەردوولا جەختیان لەسەر هەماهەنگی بەردەوام کردەوە بەمەبەستی زیاتر بەرەو پێشبردنی پەیوەندیەکانی نێوان هەرێم و بەریتانیا و به‌ره‌وپێشبردنی پەیوەندیەکانی نێوان هەولێر و بەغدا و پاراستنی سەقامگیری ناوچەکە.

لەو سۆنگۆیەشەوە، باڵیۆزی شانشینی یەکگرتوو لە عیراقی فیدراڵ هیوای خواست که‌ هەولێر و بەغداد بتوانن بگه‌نه‌ ڕێککه‌وتنی سیاسی تۆکمه‌ به‌ئامانجی  چاره‌سه‌رکردنی ئاسته‌نگی گرفته‌کانی نێوانیان به‌پێی ده‌ستوور و کارکردن بەیەکەوە بۆ پاراستنی ئەمن و ئاسایش و سەقامگیری ناوچەکە.
هه‌ر له‌ دیداره‌که‌ هه‌ردوولا باسی په‌یوه‌ندی بازرگانی و هه‌ماهه‌نگی کرد له‌ چوارچێوه‌ی یاداشتنامه‌ی (تێگه‌یشتنی پێشه‌نگییه‌کانی بازرگانی) نێوان هه‌رێمی کوردستان و شانشنشینی یه‌کگرتوو.

هەردوولا رژدبوون لەسەر گرینگی یەکدەنگی و هەماهەنگی پارتە سیاسیەکانی هەرێمی کوردستان و پێکهێنانی کابینەی تازەی حکومەتی هەرێم لە نزیکترین دەرفەتدا.

لەندەن
٩ی ئەیلولی ٢٠٢٥