نوێنه‌رایه‌تی حکومه‌تی هه‌رێم، بەشداری لە کۆڕبەندی سکۆلەرشیپی جیهانی BMI کرد لە لەندەن
هەواڵ : 5/5/2024
شانشینی یەکگرتوو، لەندەن، www.uk.gov.krd. نوێنەرایەتی
حکومەتی هەرێم لە بەریتانیا هاوڕێیه‌تی د.یاسن حەمە، بەڕێوەبەری گشتی سکۆلەرشیپ و
پەیوەندییە‌کان لە وەزارەتی خوێندنی باڵا و توێژینەوەی زانستیی حکومەتی هەرێمی کوردستانی کرد و بەشداریان
لە کۆڕبەندی سکۆلەرشیپی جیهانی BMI کرد کە لە لەندەن بەڕێوەچوو.
لە
کۆڕبه‌نده‌که‌دا ژمارەیەکی بەرچاو لە نوێنەرانی وەزارەتە جۆراوجۆرەکانی حکومەت و کۆمپانیاکان و دامەزراوەکانی خوێندنی
باڵا لە ئاستی جیهانیدا بەشداربوون و دەرفەتێکی پەیوەندی کردنی ناوازەی پێشکەش کرد
بۆ کۆکردنەوەی نوێنەرانی گەورەترین پرۆگرامەکانی سکۆلەرشیپ لە سەرانسەری جیهاندا.
کۆڕبەندی سکۆلەرشیپی جیهانی BMI وەک سەکۆیەکی سەرەکی بۆ هاندانی هاوبەشییە
نێودەوڵەتییەکان و پێشخستنی دەرفەتە پەروەردەییەکان خزمەت دەکات،
لەمیانی
کۆڕبەندەکەدا، دکتۆر یاسن پەیوەندی لەگەڵ چەندین دامەزراوەی نێودەوڵەتیدا کرد بۆ
گەڕان بەدوای دەرفەتی سکۆلەرشیپ بۆ خوێندکارانی ماستەر و دکتۆرا کە بەدوای بژاردەی
خوێندن لە دەرەوەی وڵاتدا دەگەڕێن.
هاوکات،
نوێنەرایەتی حکومەتی هەرێمی کوردستان لە بەریتانیا ئامادەباشی پیشاندا کە وەک پردێکی
پەیوەندیی لە نێوان وەزارەتی خوێندنی باڵاو و لایەنە په‌یوه‌ندداره‌کانی ووڵاتی بەریتانیا هاوکاربێت
بۆ ئاسانکاری زیاتر.