نوێنەری حکومەتی هەرێم بەشداری لە بۆنەیەکی ڕێکخراوی خێرخوازی عەمار دەکات

شانشینی یەکگرتوو، لەندەن، www.uk.gov.krd. کاروان جمال تاهیر نوێنەری حکومەتی هەرێمی کوردستان لە بەریتانیا بەشداریکرد لە بۆنەیەکی تایبه‌تی گروپی په‌رله‌مانتارانی به‌ریتانیا بۆ "ئۆپیرا" و ڕێکخراوی خێرخوازی عەماری بەریتانیای کە له‌ هۆڵی جوبلی ئه‌نجومه‌نی لۆرداتی به‌ریتانیا ڕێکخرابوو به‌مه‌به‌ستی هاندان و هۆشیاری موزیک له‌ قۆناغه‌کانی خوێندن و   هێزی موزیک بۆ ته‌ندروستی ده‌روونی.

له‌بۆنه‌که‌دا که‌ ژمارەیەك پەرلەمانتار و لۆرد و بارۆنێسەکانی بەریتانیا ئامادەی بوون، قوتابیانی قوتابخانەی (Hallsville Primary School) لە شاری لەندەن چه‌ند پارچە موسیقایه‌کیان پێشکه‌ش کرد و گرینگی و ئاستی فێربوونی موزیکیان له‌ قوتابخانه‌كان به‌ ئاماده‌بوان ئاشناکرد. 

هاوکات گروپی کچانی به‌نابه‌رانی ئێزه‌دی دانیشتوی کامپی ئاواره‌کانی شاری دهۆک که‌له‌لایه‌ن ڕێکخراوی عه‌مار سه‌رپه‌رشتی و سپۆنسه‌ر ده‌کرێت بانگهێشتکرابوون له‌ بۆنه‌که‌دا و له‌ڕێگه‌ی چه‌ند پارچه‌ موزیکێک و گۆرانی و لێدانی ده‌ف هه‌ستی خۆشه‌ویستی و گه‌ڕانه‌وه‌ بۆ ژیانیان ده‌ربڕی.

لە بۆنەکەدا ، نوێنەری حکومەتی هەرێمی کوردستان سوپاسی دامەزراوەی خێرخوازی عەماری و بارۆنێس ئێما نیکڵسن سەرۆکی بۆردی دامەزراوەکە و ئەندامانی بۆردەکەی کرد بۆ هاوکاری بەردەوامیان له‌ کوردانی ئیزیدی کە لە کامپەکانی کوردستان ژیان بەسەر دەبەن، وە بەخێرهاتنی گه‌رمی گروپی کچانی ئێزیدی کرد و دەستخۆشی لێ کردن بۆ پێشکه‌شکردنی هونه‌ر و که‌لتوری جوانی ئێزه‌دیان، هەروەها جەختی لەسەر گرینگی هێزی موزیک کردەوە لە ژییان به‌خشینی ئارامی ده‌روون و گه‌یاندنی په‌یام  بە جیهانی دەرەوە.

کاروان جمال تاهیر هاوکات ئاماژەی بەوەدا کە بۆ نه‌هێشتنی ئێش و ئازەرەکانی ئاوارە ئێزیدیەکان، گه‌ڕانه‌وه‌ی شکۆمه‌نداره‌نه‌یانه‌ بۆ  سه‌ر زێدی خۆیان و جێبەجێکردنی رێکەوتننامەی ئەمنی شەنگال و ئاساییکردنەوەی دۆخی ناوچەکە و دووبارە بنیادنانەوەیه‌تی.  

شایانی باسە دامەزراوەی خێرخوازی عەماری خولی تایبەت بە میوزیك ژەنی و هاریکاری لە ڕووی دەروونیەوە پێشکەش بە خوشك و برایانی ئێزیدی دەکات کە تاکو ئێستاو  لە  دوای ١٠ ساڵ لە تاوانەکانی داعش، له‌ کامپەکانی ئاوارەکان لە کوردستان ژیان بەسەر دەبەن.

لەندەن، ئەنجومەنی لۆردەکانی بەریتانیا
١٥ی تشڕینی یەکەمی ٢٠٢٤