نوێنەری حکومەتی هەرێم لەگەڵ نوێنەری هەرێمی کەتەلۆنیا کۆدەبێتەوە

شانشینی یەکگرتوو، لەندەن، www.uk.gov.krd. کاروان جمال تاهیر نوێنەری حکومەتی هەرێمی کوردستان سەردانی نووسینگەی نوێنەرایەتی حکومەتی کەتەلۆنیای کرد و بە گەرمی لەلایەن فرانسێس کلارێت نوێنەری هەرێمی کەتەلۆنیا لە شانشینی یەکگرتوو و ئێرلەندا پێشوازی لێکرا.

لە دیدارەکەدا نوێنه‌ری نێرده‌ی که‌ته‌لۆنیا کورته‌یه‌کی له‌سه‌ر کارو چالاکییه‌کانیان باسکرد له‌بواره‌کانی ئابووری و بازرگانی و که‌لتووری و په‌روه‌رده‌ و په‌یوه‌ندییان له‌گه‌ڵ دایاسپۆرا.
هاوکات گفتوگۆ دەربارەی دوایین پێشهات و ڕووداوەکانی ڕۆژهەڵاتی ناوەڕاست و هەڕەشەکانی سەر دۆخی ئەمن و ئاسایش و سەقامگیری ناوچەکە کرا. نوێنەری حکومەتی هەرێمی کوردستان تیشكی خستە سەر ڕۆڵی کاریگەری هەرێم لە پاراستنی ئەمن و ئاسایشی ناوچەکە و خواستی به‌رده‌وام له‌ ڕێگریکردن لە زیادبوونی گرژیەکان لە ناوچەکە.

هەر لە دیدارەکەدا گفتوگۆ و ئاڵوگۆڕی بیروڕا کرا له‌سه‌ر گه‌شه‌ی په‌یوه‌ندی‌ ئابووری و چالاکییه‌ که‌لتوریه‌کان و میکانیزمه‌کانی پارێزگاریکردن له‌ به‌رژه‌وه‌ندییه‌کان و سوود وه‌رگرتن له‌ ئه‌زمونی یه‌کتری. هه‌روه‌ها تیشک خرایه‌ سه‌ڕ پەیوەندیە دووقۆڵیەکانی نێوان هەرێمی کوردستان و هەرێمی کەتەلۆنیا و شانشینی ئیسپانیا و جەخت لەسەر گریگنیدان بەو پەیوەندیانە و بەرەوپێشبردنیان کرا.

هه‌ردوولا پەیوەندیەکانی نێوان نوێنەرایەتی حکومەتی هەرێمی کوردستان و نێرده‌ی حکومەتی کەتەلۆنیا لە شانشینی یەکگرتوو به‌گرینگ وه‌سف کرد و خواستی هەماهەنگی زیاتر نیشاندرا بۆ زیاتر بره‌ودان به‌ په‌یوه‌ندییه‌کان.

لەندەن
٢٢ی کانونی دووەمی ٢٠٢٤