نوێنەرایەتی حکومەتی هەرێم بەشداری لە بۆنەی ڕۆژی نیشتیمانی هەرێمی فلاندەرز دەکات

لەو بۆنەیەدا خەسرۆ ئاژگەیی بەڕێوەبەری کاروباری سیاسی و میدیا بە نوێنەرایەتی نوێنەری حکومەت و نوێنەرایەتی حکومەتی هەرێمی کوردستان بەشداری لە ڕیسێپشنێکی تایبەتی نوێنەرایەتی هەرێمی فلاندەرز کرد و پیرۆزبایی نوێنەرایەتی و حکومەتی هەرێمی کوردستانی گەیاندە باڕت بڕۆسیەس نوێنەری دیبلۆماسی هەرێمی فلاندەرز لە شانشینی یەکگرتوو و خەڵکی هەرێمەکە.

لە گفتوگۆکەیەدا لەگەڵ نوێنەری هەرێمی فلاندەرز گفتوگۆ دەربارەی پەیوەندیە دوو قۆڵیە بەهێزەکانی نێوان هەرێمی کوردستان و هەرێمی فلاندەرز کرایەوە و جەختیش لەسەر بەرەو پێشبردنی ئەو پەیوەندیانە کرایەوە. هەر لە بۆنەکەدا دیدار لەگەڵ ژمارەیەك دیبلۆماتکار و کاربەدەستانی حکومەتی بەریتانیا و مێوانانی بۆنەکە  کرا و تیشك خرایە سەر دوایین پەرەسەندنەکانی دۆخی هەرێمی کوردستان و عیراق و ناوچەکە بە گشتی.

لەندەن
٧ی تەموزی ٢٠٢٣