نوێنەری حکومەتی هەرێمی کوردستان لە بەریتانیا پێشوازی لە یاسمین ئەتروشی کرد.

لەندەن، شانشینی یەکگرتوو (uk.gov.krd)، کاروان جەمال تاهیر، نوێنەری حکومەتی هەرێمی کوردستان لە بەریتانیا پێشوازی لە یاسمین ئەتروشی کرد. خاتوو یاسمین کوردێکی لەدایکبووی بەریتانیایە، پسپۆڕی گۆڕینی کلینیکی و دیجیتاڵی چاودێری تەندروستی یە هەروەها کەسێکی چالاکە لە بواری سیاسی له‌ بەریتانیا و هەوڵ بۆ گۆڕانکاری ئەرێنی دەدات لە بوارەکەی خۆیدا.

لەلایەن خۆیەوە، نوێنەری حکومەت کورتەیەکی لەسەر بەرنامە و کار و چالاکیەکانی  نوێنەرایەتی حکومەتی هەرێمی کوردستان لە بەریتانیا باس کرد. هاوکات ستایشی خاتوو یاسمینی کرد که‌ له‌ بواره‌که‌یدا توانیویه‌تی سه‌رکه‌وتووبێت و هەروها هیوای ئاینده‌یه‌کی باشی بۆ خواست که‌ وه‌ک گه‌نجێکی کورد-به‌ریتانیایی ده‌یه‌وێت له‌ بواری سیاسی وه‌ک سیاستوانێک له‌ به‌ریتانیا کاری سیاسی بکات.