نوێنەری حکومەتی هەرێم پێشوازی لە خاتوو بەیان سامی عبدالرحمان دەکات
هەواڵ : 10/3/2025
شانشینی یەکگرتوو، لەندەن، www.uk.gov.krd . کاروان جمال تاهیر نوێنەری حکومەتی هەرێمی
کوردستان لە بەریتانیا پێشوازیکرد لە خاتوو بەیان سامی عبدالرحمان راوێژکاری باڵای سەرۆکی حکومەتی هەرێمی
کوردستان بۆ کاروباری نێودەولەتی و ژینگە و شاندی یاوەری.
لە دیدارەکەدا گفتوگۆ دەربارەی کار و چالاکیەکان
و بەرنامەی کاری نوێنەرایەتی کرا. هاوکات تیشك خرایە سەر پەیوەندیە دووقۆڵیەکانی
نوێنەرایەتی لەگەڵ پەرلەمان و حکومەتی بەریتانیا و لایه‌نه‌کانی هه‌ماهه‌نگی و چۆنیەتی
په‌ره‌پێدانی زیاتریان و بەرنامەی نوێنەرایەتی بۆ بره‌ودانی زیاتر به پەیوەندیه
دولایه‌نەکان لەگەڵ دامەزراوەکانی بەریتانیا خرایه‌ڕوو.
لەلای خۆیەوە خاتوو بەیان سامی عبدالرحمان دەستخۆشی
لە نوێنەری حکومه‌ت و تیمی نوێنەرایەتی کرد بۆ کار و چالاکی و هەوڵە
بەردەوامەکانیان بەمەبەستی فراوانترکردنی تۆڕی پەیوەندیەکان و گەیاندنی پەیامەکانی
هەرێم و کۆکردنەوەی پاڵپشتی زیاتر بۆ دۆخی هەرێم، بۆ ئەوەی کاریگەری زیاتر لەسەر
سیاسەتی ده‌رەوەی بەریتانیا لە هەمبەر عیراق و هەرێمی کوردستان زیاتر ببێت و رۆڵی
زیاتر لە پاراستنی پێگەی هەرێم و چارەسەرکردنی کێشەکانی نێوان هەولێر و بەغدا
ببینن.
نووسینگەی نوێنەرایەتی
٣ی تشرینی یەکەمی ٢٠٢٥