نوێنەری حکومەتی هەرێم پێشوازی لە شاندێکی فیدراسیۆنی پزیشكی و زانستی کوردی لە بەریتانیا دەکات
هەواڵ : 5/23/2024
شانشینی یەکگرتوو،
لەندەن، www.uk.gov.krd. کاروان جمال تاهیر نوێنەری حکومەتی هەرێمی
کوردستان لە بەریتانیا لە نووسینگەی نوێنەرایەتی پێشوازیکردن لە شاندێکی
فیدراسیۆنی پزیشكی و زانستی کوردی لە بەریتانیا کە پێکهاتبوو لە دکتۆرە هێرۆ علی عبداللە سەرۆکی فیدراسیۆن و د.سایە سعید و خاتوو تارا ساڵحی ئەندامانی فیدراسیۆنەکە.
شاندی فیدراسیۆنەکە
کورتەیەکیان لەسەر کار و چالاکی و سروشتی کارەکانی فیدراسیۆنەکەیان پێشكەش کرد.
هاوکات تیشكیان خستە سەر بەرنامە و پرۆژەکانی ئایندەی خۆیان بۆ زیاتر خزمەتکردنی
کۆمەڵگای کوردی لە شانشینی یەکگرتوو. هەر لە دیدارەکەدا جەخت لەسەر گرینگی
هەماهەنگی لەگەڵ نوێنەرایەتی و ئەنجامدانی کاری پێکەوەیی کرایەوە.
نوێنەری حکومەتی
هەرێمی کوردستان خۆشحاڵی خۆی بۆ سەردانی شاندی فیدراسیۆنەکە نیشاندا و جەختی لەسەر
ئەوە کردەوە کە یەکێك لە کارە سەرەکیەکانی نوێنەرایەتی خزمەتکردنی کۆمەڵگای کوردی
و دروستکردنی پردی هەماهەنگی بەهێزە لەگەڵ دیاسپۆڕای کوردستانی و دامەزراوە و رێکخراوەکانی،
هاوکات ئامادەباشی نوێنەرایەتی بۆ هەر جۆرە هاریکاریەك دووپات کردەوە.
لەندەن
٢٣ ئایاری ٢٠٢٤