نوێنەری حکومەتی هەرێمی کوردستان پێشوازی لە شاندێکی وەزارەتی دەرەوە و پەرەپێدانی نێودەولەتی بەریتانیا دەکات.

لەندەن، شانشینی یەکگرتوو، .www.uk.gov.krd کاروان جمال تاهیر نوێنەری حکومەتی هەرێمی کوردستان پێشوازیکرد لە شاندێکی وەزارەتی دەرەوە و پەرەپێدانی نێودەوڵەتی کە پێکهاتبوو لە دەیڤد هەنت سه‌رۆکی فه‌رمانگه‌ی عێراق و یه‌مه‌ن و کاێلی هاڵ جێگری سه‌رۆکی فه‌رمانگه‌ و  و ئۆوین تەکەر بەرپرسی دێسکی هەرێمی کوردستان.  

لە دیدارەکەدا په‌یوه‌ندییه‌ دوولایه‌نه‌کان و بواره‌کانی هه‌ماهه‌نگی و چۆنێتی په‌ره‌پێدانی زیاتریان و دۆخی هەرێمی کوردستان و پرۆسەی پێکهێنانی کابینەی تازەی حکومەت و پەیوەندیەکانی هەولێر و بەغدا و دوایین پێشهاتە سیاسی و ئەمنیەکانی تاوتوێکران.

له‌ ته‌وه‌رێکی تردا گفتوگۆ دەربارەی بره‌ودانی زیاتر به‌ به‌په‌یوه‌ندییه‌ ئابوورییه‌کان کران و هه‌ردوولا هاوڕابوون بۆ زیاترکردنی هەماهەنگی ئابووری و هاندانی کۆمپانیاکان بۆ وه‌به‌رهێنان و کار له‌ هه‌رێمی کوردستان.

نوێنەری حکومەتی هەرێم سوپاسی پاڵپشتی بەردەوامی وەزارەتی دەرەوە و تیمی عیراقی کرد لە کار و چالاکیەکانی نوێنەرایەتی و هه‌رێمی کوردستان، هاوکات هه‌ردوولا جه‌ختیان له‌ بره‌ودانی زیاتر به‌ هاوبه‌شی و هه‌ماهه‌نگییه‌کان کرده‌وه‌.

لەلای خۆیەوە دەیڤد هەنت پەیوەندیەکانی نێوان هەرێمی کوردستان و بەریتانیای بە گرینگ وەسفکرد و جەختی لەسەر پابه‌ندییه‌کانیان به‌رامبه‌ر هه‌رێمی کوردستان کرده‌وه‌.

لەندەن – نووسینگەی نوێنەرایەتی
٦ی ئایاری ٢٠٢٥