سەرۆکی حکومەتی هەرێمی کوردستان پێشوازی لە شاندێکی گرووپی APPG پەرلەمانی بەریتانیا دەکات
هەواڵ : 4/13/2025
هەرێمی کوردستان، هەولێر، www.uk.gov.krd. مەسرور بارزانی، سەرۆکی حکومەتی هەرێمی کوردستان، پێشوازی لە شاندێکی
گرووپی دۆستایەتيی کوردستان لە پەرلەمانی بەریتانیا (APPG)کرد
کە پێکهاتبوو لە پەرلەمانتار جۆن سلینگەر سەرۆکی شاندەکە و بارۆنێس فیۆنا گۆجسن
ئەندامی ئەنجومەنی لۆردەکانی بەریتانیا.
لە دیدارەکەدا کە سەفین دزەیی بەرپرسی فەرمانگەی پەیوەندیەکانی
دەرەوە و کاروان جمال تاهیر نوێنەری حکومەتی هەرێـی کوردستان ئامادەبوون، شاندەکە باسیان لە کار و چالاکییەکانی گرووپەکە کرد، کە لە ژمارەیەک
لە پەرلەمانتارانی هەموو پارتەکانی ناو پەرلەمانی بەریتانیا لەخۆ دەگرێت و
ئاماژەیان بە ئامانجی گرووپەکە کە پشتیوانیکردنە لە هەرێمی کوردستان و بەهێزکردنی
پەیوەندییەکانی هەرێمی کوردستان و بەریتانیا لە بوارە جۆراوجۆرەکاندا.
سەرۆکی حکومەت سوپاسی ئەندامانی
گرووپەکە و حکومەت و پەرلەمانی بەریتانیای کرد و دەستخۆشی لێ کردن بۆ پشتیوانییان
لە هەرێمی کوردستان و مافەکانی خەڵکی کوردستان و کارکردنیان لەپێناو پەرەپێدانی
پەیوەندییەکانی هەرێمی کوردستان و بەریتانیا.
لە بەشێکی دیکەی کۆبوونەوەکەدا، پەیوەندییەکانی هەرێمی کوردستان و حکومەتی فیدراڵ
و چارەسەرکردنی کێشەکانی نێوان هەردوولا و دابینکردنی مافە دەستووری و شایستە
داراییەکانی خەڵکی کوردستان و گرنگیی دەستپێکردنەوەی هەناردەکردنی نەوتی هەرێمی
کوردستان تاووتوێ کرا.
هەولێر –
هەرێمی کوردستان
١٣ی نیسانی ٢٠٢٥