نوێنەری حکومەتی هەرێم بەشداری لە بۆنەیەکی هاوینەی Travellers Club دەکات
هەواڵ : 7/11/2024
لەندەن، شانشینی یەکگرتوو، www.uk.gov.krd. کاروان جمال تاهیر نوێنەری
حکومەتی هەرێمی کوردستانلە بەریتانیا بەشداریکرد لە بۆنە
ئاهەنگی هاوینەی یانەی گەشتیاران Travellers Club.
لە بۆنەکەدا کە ئەندامانی یانەکە و ژمارەیەك مێوان لە سێکتەرە جیاوازەکان
ئامادەبوون، کاروان جمال تاهیر گفتوگۆی لەگەڵ ژمارەیەك لە نوێنەرانی رێکخراو و
کۆمپانیاکانی بوار و سێکتەرە جیاوازەکان ئەنجامدا دەربارەی دوایین پەرەسەندنەکانی
هەرێم و ناوچەکە بە گشتی و هەلەکانی کار و وەبەرهێنان لە هەرێمی کوردستان.
هاوکات
ئامادەباشی نوێنەرایەتی حکومەتی هەرێمی لە بەریتانیا بۆ هەر جۆرە هاریکارییەك بۆ
پیاوانی کار و وەبەرهێنەر و کۆمپانیاکان و گەشتیارە بەریتانیاکان دووپات کردەوە.
لە بۆنەکەدا خواستێکی باش لەلایەن ئامادەبوانەوە هەبوو لەسەر هەرێمی
کوردستان و سەردانیکردنی ناوچە شوێنەواری و گەشتیارییەکانی هەرێم و لەلایەن شاندی
نوێنەرایەتی بەشداربووی بۆنەکە جەخت لەسەر جوانی سروشتی کوردستان و سەقامگیری ئەمن
و ئاسایشی ناوچەکە کرایەوە.
شایانی باسە، یانەی گەشتیاران لە ساڵی ١٨١٩ لەلایەن لۆرد کاسڵری دامەزراوە
و ئامانجی یانەکە کۆکردنەوەی ئەو کەسانەیە کە بەبەردەوامی گەشت دەکەن لە سەرانسەری
جیهاندا، هاوکات شوێنی بەسەربردنی کاتی دیبلۆماتکار و مێوانە بیانییەکانە و سیلکی
دیبلۆماسی و کاربەدەستانی هێزە چەکدارەکان و حکومەتی بەریتانیا ئەندامی سەرەکی ئەو
یانەیەن.
لەندەن
١١ی تەموزی ٢٠٢٤