نوێنەرایەتی حکومەتی هەرێم بەشداری لە بۆنەی ڕۆژی نیشتیمانی هەرێمی فلاندەرز دەکات
هەواڵ : 6/27/2024
لەندەن، شانشینی
یەکگرتوو، www.uk.gov.krd. شاندێکی نوێنەرایەتی بەشداری لە
رێورەسمێکی تایبەت بەبۆنەی رۆژی نیشتیمانی فلاندەرز کرد.
هەردوو بەڕێوەبەری کاروباری سیاسی و میدیا
و بازرگانی و وەبەرهێنان لە نوێنەرایەتی حکومەتی هەرێم پیرۆزبایی نوێنەری حکومەتیان
گەیاندە باڕت بڕۆسیەس نوێنەری هەرێمی فلاندەرز لە
شانشینی یەکگرتوو و لە ڕێی ئەویشەوە بۆ گەلی هەرێمەکە و هیوای سەرکەوتنیان بۆ
خواست. لە لای خۆیەوە ناوبراو سوپاسی بەشداری شاندی نوێنەرایەتیان لەبۆنەکەدا کرد
و تیشکی خستە سەر پەیوەندیە بەهێزە دووقۆڵیەکان و جەختی لەسەر هەماهەنگی بەردەوام
کردەوە.
هەر لە بۆنەکەدا شاندی نوێنەرایەتی چاویان
کەوت بە ژمارەیەك دیبلۆماتکار و کاربەدەستانی حکومەتی بەریتانیا و مێوانانی
بۆنەکە و گفتوگۆ لەسەر دوایین پەرەسەندنەکانی دۆخی هەرێمی کوردستان و
عیراق و ناوچەکە بە گشتی کرا.
لەندەن
٢٧ی حوزەیرانی ٢٠٢٣