نوێنەری حکومەتی هەرێمی کوردستان پێشوازی لە دکتۆر سامان بەرزنجی دەکات

شانشینی یەکگرتوو، لەندەن، www.uk.gov.krd. کاروان جمال تاهیر نوێنەری حکومەتی هەرێمی کوردستان لە بەریتانیا لە نووسینگەی نوێنەرایەتی پێشوازیکرد لە دکتۆر سامان بەرزنجی وەزیری تەندروستی حکومەتی هەرێمی کوردستان و شاندی یاوەری کە مەبەستی واژۆکردنی یاداشتنامەیەکی لێکتێگەیشتن لەگەڵ زانکۆی شاهانه‌ی پاسۆلۆگی سەردانی بەریتانیا دەکات.

لە دیدارەکەدا تیشکخرایە سەر پەیوەندیە دووقۆڵیە بەهێزەکانی نیوان هەرێمی کوردستان و بەریتانیا و جەخت لەسەر هەماهەنگی زیاتر لە نێوان وەزارەتی تەندروستی و لایەنە پەیوەندیدارەکانی بەریتانیا کرایەوە بەمەبەستی سود وەرگرتن لە شارەزاییە تەندروستیەکانی ئەو ووڵاتە بۆ گەشە و بەرەوپێشچوونی زیاتری کەرتی تەندروستی لە هەرێمی کوردستان. لەو سۆنگۆیەشەوە هەماهەنگی نێوان وەزارەتی تەندروستی و نوێنەرایەتی حکومەتی هەرێمی کوردستان جەختی لەسەر کرایەوە.

هه‌ر له‌ چوارچێوه‌ی سه‌ردانه‌که‌یاندا، نوێنه‌ری حکومه‌تی هه‌رێمی کوردستان هاوڕێیه‌تی وه‌زیری ته‌ندروستی و شاندی یاوه‌ریانی کرد بۆ زانکۆی شاهانه‌ی پاسۆلۆجی و له‌لایه‌ن سه‌رۆکی زانکۆ و به‌ڕێوه‌به‌ری به‌شه‌کان پێشوازییان لێکرا.

له‌ دیدارێکدا هه‌ردوولا باسی گرینگی هه‌ماهه‌نگی و په‌ره‌پێدانی په‌یوه‌ندییه‌کانیان کرده‌وه‌ به‌تایبه‌تی بۆ پێشخستنی تواناکانی هه‌رێمی کوردستان و بۆ ئه‌و مه‌به‌سته‌ش گه‌شتێک به‌ناو زانکۆ و تاقیگه‌کانی زانکۆ بۆ وه‌زیری ته‌ندروستی ڕێکخراو هه‌ردوولا یاداشتنامه‌یه‌کی لێکتێگه‌یشتنیان واژوو کرد بۆ هه‌ماهه‌نگی زیاتر له‌و بواره‌دا.

لەندەن، نووسینگەی نوێنەرایەتی
٧ی کانونی یەکەمی ٢١٢٣