نوێنەری حکومەتی هەرێمی کوردستان پێشوازی لە سەرۆکی ڕێکخراوی چاودێریی میدیای کوردی (چمك) دەکات.

شانشینی یەکگرتوو، لەندەن، www.uk.gov.krd. کاروان جمال تاهیر نوێنەری حکومەتی هەرێمی کوردستان لە بەریتانیا پێشوازیکرد لە پ.ی.د. شوان ئادەم ئەیڤەس سەرۆکی ڕێکخراوی چاودێریی میدیای کوردی (چمك) و خاتوو شه‌وبۆ محمد به‌ڕێوه‌به‌ری ڕێکخراوی په‌روه‌رده‌یی و پێگه‌یاندن (کانگا).

لە دیدارەکەدا سەرۆکی ڕێکخراوی (چمک) پوخته‌یه‌کی ده‌رباره‌ی کارو چالاکییه‌کانی ڕێکخراوه‌که‌یان و هاوکات پلان و پڕۆژەکانی ئاینده‌یان خسته‌ڕوو، له‌وانه‌ش ڕێکخستنی سێهەمین کۆڕبەندی نیشتیمانیی چمک تایبه‌ت به‌ ڕیفۆرمی میدیایی.

هه‌ردوولا گفتوگۆ و بیروڕایان ئاڵوگۆڕ کرد ده‌ربارەی پرۆژه‌ی رێکخراوەکە بۆ ڕێکخستنی سێهەمین کۆڕبەندی نیشتیمانیی چمک بۆ ڕیفۆرمی میدیایی لە شاری لەندەن له‌ ساڵی ٢٠٢٦.

نوێنەری حکومەتی هەرێمی کوردستان خۆشحاڵی خۆی بە دیدارەکە دەربڕی و تیشكی خستە سەر رۆڵی گرینگ و کاریگه‌ری ڕێکخراوه‌ ناحکومی و مه‌ده‌نییه‌کان له‌ به‌شدارییان له‌ کایه‌کانی کۆمه‌ڵگه‌ و پرۆسه‌ی دیموکراسی و دامه‌زراندنی میدیای به‌هێز و کاریگه‌ر. هاوکات جەختی لەسەر تێڕوانین و سوود وه‌رگرتن له‌ ئه‌زموونی ڕیفۆرمی میدیایی وڵاتی به‌ریتانیا کردەوە و ئامادەباشی نوێنەرایەتی بۆ هوکاری و هه‌ماهه‌نگی له‌ سەرخستنی کۆڕبەندەکە دووپات کردەوە.
.
نووسینگەی نوێنەرایەتی، لەندەن
٢٣ی تشرینی یەکەمی ٢٠٢٥