نوێنەری حکومەتی هەرێم پێشوازی لە سه‌رۆکی ئەنجومەنی باڵای کوردستان بۆ پسپۆڕییە پزیشكیەکان دەکات

لەندەن، شانشینی یەکگرتوو، www.uk.gov.krd. کاروان جمال تاهیر نوێنەری حکومەتی هەرێمی کوردستان لە بەریتانیا پێشوازی لە پ. د ئاریانا خالس جەواد سەرۆکی ئەنجومەن و ئه‌ندامانی بۆردی سه‌رۆکایه‌تی ئەنجومەنی باڵای کوردستان بۆ پسپۆڕییە پزیشكیەکان کرد.

لە دیدارێکدا گفتوگۆ دەربارەی کارو  چالاکیەکانی ئەنجومەنەکە وسروشتی کارکردنیان و پلان و بەرنامەی داهاتوویان کرا بە تایبەتیش لە بواری هەماهەنگیکردن لەگەك دامەزاوە هاوتاکانیان لە جیهان بە گشتی و وڵاتی بەریتانیا بە تایبەتی.

شاندی مێوان ئاماژەیان بەوەدا کە بەشێكی گرینگی کارەکانیان بریتیە لە دروستکردنی پردی پەیوەندی لەگەڵ لایەنە پەیوەندیدارە نێودەوڵەتیەکان بەمەبەستی ئاڵ و گۆڕکردنی شارەزایی و پسپۆریەکان لەگەڵ دامەزراوە پزیشکی و زانستیەکانیان، هاوکات دروستکردنی هاوبەشی و لێکتێگەیشتن و کاری بە یەکەوەیی لەگە ئەو دامەزراوانە، جەختیشیان لەسەر ئەوە کردەوە کە لە رێگای ئەو پەیوەندی و هەماهەنگیانە، خواستی سوود وەرگرتنیان هەیە لە ئه‌زموونه‌کانیان و پێشکەشکردنی خولی راهێنان و پسپۆریە نایابەکان بۆ قوتابیانی پسپۆڕیە پزیشکیە تایبەتەکانی کوردستان.

نوێنەری حکومەتی هەرێمی کوردستان ئامادەباشی نوێنەرایەتی بۆ هەموو جۆرە هاوکاری و هه‌ماهه‌نگییه‌ک نیشاندا و جەختی لەسەر گرینگی کارەکانی ئەنجومەنەکە و بایه‌خی بونیاتنانی په‌یوه‌ندی له‌گه‌ڵ هاوتاکانیان کردەوە. لەو سۆنگۆیەشەوە داوای لە ئەنجومەنەکە کرد بەرنامەی و پرۆژه‌کانیان تایبه‌ت به‌ پێشخستنی هه‌ماهه‌نگی نێوده‌وڵه‌تی و پێداویستیەکانیان هاوبەشی پێبکەن لەگەڵ نوێنەرایەتی حکومەتی هەرێم لە بەریتانیا به‌ئامانجی دروستکردنی په‌یوه‌نی له‌گه‌ڵ دامەزراوە بەریتانییه‌کانی په‌یوه‌ندیدار که‌ خزمه‌ت به‌ به‌رژه‌وه‌ندیه‌کانی بۆردی کوردستان بکات .

نووسینگەی نوێنەرایەتی، لەندەن
١٧ی تشرینی یەکەمی ٢٠٢٥