نوێنەری حکومەتی هەرێم به‌شداری کۆنفرانسی پایزه‌ی فیدراسێۆنی پزیشکی و زانستی کوردستان ده‌کات KMSF
هەواڵ : 9/7/2024
لەندەن، شانشینی
یەکگرتوو، www.uk.gov.krd. فیدراسێۆنی پزیشکی و زانستی کوردستان به‌هه‌ماهه‌نگی
له‌گه‌ڵ نوێنه‌رایه‌تی حکومه‌تی هه‌رێمی کوردستان له شانشینی یه‌کگرتوو کۆنفرانسی
پایزه‌‌یان ئه‌نجامدا له‌ژێر ناونیشانی به‌ره‌وپێشبردنی سه‌رکه‌وتن و ته‌ندروستی.
له کونفرانسه‌که‌دا که
نوخبه‌یه‌کی خاوه‌ن ئه‌زموون و ئه‌کادیمی له‌بواره جیاکاندا ئاماده‌بوون چه‌ند
په‌‌ناڵیک به‌ڕێوه‌چوون تایبه‌ت له‌سه‌ر بابه‌تی گرینگ و سه‌رنجڕاکێشی ته‌ندرووستی
و ڕێگاکانی سه‌رکه‌وتن و چۆنێتی زاڵبوون به‌سه‌ر ئاسته‌نگییه‌کان.
سه‌ره‌تای کۆنفرانسه‌که
د.هێرۆ خۆشناو سه‌رۆکی فیدراسێۆنی پزیشکی و زانستی کوردستان پوخته‌یه‌کی له‌سه‌ڕ
ڕێکخراوه‌که‌یان و کاروچالاکی و ئامانجه‌کانیان خسته‌ڕوو، پاشان کۆنفرانسه‌که ده‌ستی
به‌کاره‌کانی کرد و له‌چوارچێوه‌ی په‌ناڵه‌كاندا له‌لایه‌ن ژماره‌یه‌ک دکتۆری خاوه‌ند
ئه‌خزموونی به‌رز بابه‌تی ته‌ندروستی به‌پێزیان پێشکه‌ش کرد.
هه‌رله‌کۆنفرانسه‌که‌دا
و له په‌ناڵێکی تردا چه‌ند گه‌نجێکی خاوه‌ند دید تیشکیان خسته سه‌ر ئه‌زموونی
خۆیان و چۆنێتی زاڵبوون به‌سه‌ر ئاسته‌نگییه‌کانی پێش سه‌رکه‌وتنه‌کانیان له‌بواره‌کانی
خۆیاندا.
کاروان جمال تاهیر
نوێنەری حکومەتی هەرێمی کوردستان لە بەریتانیا ده‌ستخۆشی له سه‌رۆک و ئه‌ندامانی
ڕێکخراوه‌که کرد بۆ سازدانی کۆنفراسه‌كه و له وته‌یه‌کیدا تیشکی خسته سه‌ر
گینگی په‌یوه‌ندیه نێوده‌وڵه‌تییه‌کان بۆ هه‌رێمی کوردستان و ئه‌رک و به‌رپرسیارێتی
نوێنه‌رایه‌تی حکومه‌تی هه‌رێم و هه‌وڵه‌کان بۆ گه‌شه‌پێدانی تواناکان و هاوکات دیدی حکومه‌تی هه‌رێمی کوردستان بۆ دایاسپۆرا، ڕاشیگه‌یاند که حکومه‌تی هه‌رێمی
کوردستان پلاتفۆرمی جیاجیای دروستکردووه بۆ کۆکردنه‌وه‌ی تواناکان و خاوه‌ند زهنی
داهێنه‌رانه به‌ئامانجی دروستکردنی ده‌رفه‌ت بۆ به‌گه‌رخشتنی توانا و به‌هره‌مه‌ندییه‌کانیان.
هه‌ر له کۆنفرانسه‌كه
و له‌بۆنه‌یه‌کی تایبه‌تیشدا، نوێنه‌رایه‌تی حکومه‌تی هه‌رێمی کوردستان ڕێزلێنان و
پێزانینی پێشکه‌ش به هه‌ریه‌ک له د.هێرۆ خۆشناو، د.سایه سه‌ید، د.فریاد حه‌وێزی
و د.تیشک شاوه‌یس، خاتوو تارا تۆفیق سه‌رۆک و ئه‌ندامانی ڕێکخراوی KMSF کرد له‌پای خزمه‌تی به‌رده‌وامیان به‌کۆمه‌ڵگه‌ی کوردستانی و بواری
ئه‌کادیمی و پزیشکی و پرسی نه‌ته‌وه‌که‌یان.
له‌نده‌ن
٨ ئه‌یلولی ٢٠٢٤