نوێنەری حکومەتی هەرێمی کوردستان بۆ ده‌ربڕینی هاوخه‌می سه‌ردانی باڵێۆزخانه‌ی کۆماری ئیسلامی ئێران ده‌کات

شانشینی یەکگرتوو، لەندەن، www.uk.gov.krd.  کاروان جمال تاهیر نوێنەری حکومەتی هەرێمی کوردستان لە شانشینی یەکگرتوو سەردانی باڵیۆزخانەی کۆماری ئیسلامی ئێرانی کرد و لەلایەن عەلی مەتینفار هەڵسوڕێنەری کاروباره‌کانی باڵیۆزخانە بە گەرمی پێشوازی لێکرا.

نوێنەری حکومەتی هەرێمی کوردستان له‌ سەردانەکەیدا هاوخەمی و پرسە و سەرەخۆشی گەیاندە باڵیۆزخانه‌ی کۆماری ئیسلامی ئێران و له‌ ڕێگه‌ی ئه‌وانیشه‌وه‌ بۆ گەل و حکومەته‌که‌یان بۆ ماڵئاوایی و کۆچی دوایی ئیبراهیم ڕه‌ئیسی سەرۆك کۆمار و وەزیری دەرەوە و هاوه‌ڵانیان بەهۆی رووداوی کەوتنە خوارەوەی هەلیکۆپتەرەکەیان. هاوکات لە تۆماری پرسەدا په‌یامی هاوخه‌می تۆمارکرد.

عەلی مەتینفار هەڵسوڕێنەری کاروباره‌کانی باڵیۆزخانەی کۆماری ئیسلامی ئێران سوپاسی نوێنەری حکومەتی هەرێمی کوردستانی کرد بۆ سەردانەکە و دەربڕینی هاوخەمی خۆی.

لەندەن
٢٢ی ئایاری ٢٠٢٤