نوێنەری حکومەتی هەرێم پێشوازی لە شاندێکی حکومەتی هەرێم دەکات

کاروان جمال تاهیر نوێنەری حکومەتی هەرێمی کوردستان لە بەریتانیا به‌گه‌رمی پێشوازی لە  به‌رێزان  پشتیوان سادق وەزیری ئەوقاف و کاروباری ئایینی و ئانۆ جوهر عبدالمسیح وەزیری گواستنەوە و گەیاندن کرد که‌ له‌ په‌راوێزی به‌شداریان له‌ کۆنفرانسی نێوده‌وڵه‌تی ئازادی ئاین و بیروڕا سه‌ردانی ‌ نوسینگه‌ی نوێنه‌رایه‌تی هه‌رێمان کرد.
لە دیداره‌که‌دا شاندی میوان سوپاسی کار و چالاکی و هەوڵە بەردەوامەکانی نوێنەرایەتی حکومەتیان کرد بەمەبەستی بەهێزترکردنی پەیوەندیە دووقۆڵیەکان لە نێوان هەرێمی کوردستان و بەریتانیا.
له‌ به‌رامبه‌ردا نوێنەری حکومەتی هەرێمی کوردستان لە بەریتانیا سوپاسی شاندی میوانی کرد بۆ سه‌ردانیکردنی نوێنه‌رایه‌تی و  ئاماژەی بە گرینگی بەشداریکردنی حکومەتی هەرێم کرد لە کۆنفرانس و کۆنگره‌ نێوده‌وڵه‌تییه‌کان  به‌تایبه‌تی له‌سه‌ر ئه‌و پرسانه‌ی په‌یوه‌ستن به‌ به‌ها هاوبه‌شه‌کان و له‌وانه‌ش ئازادی ئایین و بیر و باوەڕەکان، که‌ له‌رێگه‌یه‌وه‌ ده‌توانرێت بەشداربوانی کۆنفرانسه‌کان به‌ ڕۆڵ و ستراتیجیه‌تی حکومەتی هەرێمی کوردستان ئاشنابکرێن و هاوکات خستنه‌ ڕووی ئاسته‌نگییه‌کان و مه‌ترسییه‌کانی ڕووبه‌ڕووی هه‌رێم ده‌بنه‌وه‌ و په‌یداکردنی زیاتری پشتگیرییە نێودەوڵەتیەکان.

نووسینگەی نوێنەرایەتی حکومەت لە لەندەن
٦/٧/٢٠٢٢