بریکارنامە و بەرحەیاتی

ڕێنمایی دروستکردنی بریکارنامه‌ بۆ هاووڵاتیانی ڕه‌وه‌ندی کوردستانی که‌ نیشته‌جێی کۆماری ئێرله‌ندا و هه‌رێمه‌کانی شانشینی یه‌کگرتوو و ناوچەکانی تری بەریتانیان، وە به‌هۆکارێک ناتوانن سه‌ردانی نوێنه‌رایه‌تی حکومه‌تی هه‌رێمی کوردستان بکه‌ن‌ بۆ دروستکردنی به‌ڵگه‌نامه‌

هاونیشتمانیانی به‌ڕێزی ڕه‌وه‌ندی کوردستانی ئه‌گه‌ر ناتوانیت سه‌ردانی نوێنه‌رایه‌تی حکومه‌تی هه‌رێم بکه‌یت بۆ ده‌رکردنی به‌ڵگه‌نامه‌ی (بریکارنامه‌) یان (ژیان نامه‌) ، وە بەمەبەستی پێشکەشکردنی کارئاسانی بۆتان ده‌توانن به‌ جێبه‌جێ کردنی ئه‌و ڕێنماییانه‌ی خواره‌ کاره‌کانتان بۆ ئه‌نجام بدرێت.

  1. پێویسته‌ فۆرمی تایبه‌ت به‌ بریکارنامه‌کان‌ یان ژیاننامه‌ پرنت بکه‌یت و پڕیبکه‌یته‌وه‌ و له‌گه‌ڵ یه‌کێک له‌ به‌ڵگه‌نامه‌ی به‌ڕێزت (باری شارستانی (هەویە)، ڕەگەزنامەی عیراقی (جنسیە)، پاسەپۆڕتی عیراقی) ببه‌یت بۆ نزیکترین دادنووس (Public Notary ) له‌ شوێنی نیشته‌جێبوونت و پشتراستکردنه‌وه‌ی واژووه‌کانتان بۆ بکرێت و به‌ڵێن بده‌ن که‌ ئاماده‌ی کردنه‌وه‌ی ئه‌و به‌ڵگه‌نامانه‌ن.
  2. پێویسته‌ فۆرمی تایبه‌تیش به‌ زمانی کوردی پڕ بکه‌یته‌وه‌.
  3. پاشان
  • به‌ڵگه‌کانی که‌له‌لایه‌ن دادنووس ته‌سدیق کروان.
  • فۆرمی تایبه‌تی کوردی به‌ پڕکراوه‌یی.
  • ناسنامه‌ی ئه‌و‌که‌سه‌ی که‌ده‌که‌یته‌ بریکاری خۆت.
  • وێنه‌ێه‌كی قه‌باره‌ی پاسپۆرتی خۆت.

هه‌مووی له‌ڕێگه‌ی پۆسته‌وه‌ ده‌نێرن بۆ ناونیشانی نوێنه‌رایه‌تی حکومه‌تی هه‌رێمی کوردستان:

 2Hobart place, Belgravia, London, SW1W 0HU

  1. لە دوای گەیشتنی گشت ئه‌و پێداویستیانه‌ی سه‌ره‌وه‌ به‌بێ که‌موکوڕی، نوێنەرایەتی حکومەتی هەرێم پاڵپشت به‌ ڕێنماییه‌ یاساییه‌کان پرۆسێسی کاره‌کانتان بۆ ئه‌نجام ئه‌دات و دوو وێنەی ڕەسەنی به‌ڵگه‌نامه‌که‌تان بە واژووکراوی و مۆرکراویەوە لە ڕێگای پۆستەوە بۆتان ده‌گه‌ڕێنێته‌وه‌. ( پرۆسێسکردنی کاره‌کانتان ١٠ ده‌ ڕۆژی کار ده‌بێت له‌ پاش که‌یشتنی به‌ڵگه‌کانتان به‌ نوێنه‌رایه‌تی حکومه‌تی هه‌رێم)
  2. ده‌بێت دوای گه‌یشتنی به‌ڵگه‌نامه‌کان بۆتان واژوو یان پەنجە مۆر لەسەر به‌ڵگه‌نامه‌کان بکه‌ن له‌ شوێنی دیاریکراوی بریکارده‌ر و وێنەیەکی ڕەسەن بنێرێتەوە کوردستان و وێنەیەکی رەسەنیش بنێرێتەوە بۆ ناونیشانی نوێنەرایەتی حکومەتی هەرێمی کوردستان لە بەریتانیا.

تێبینی/ نوێنه‌رایه‌تی حکومه‌تی هه‌رێمی کوردستان له‌ به‌ریتانیا به‌رپرس نییه‌ له‌ نه‌گه‌یشتن و وون بوونی هه‌ر دۆککۆمێنتێک له‌ ڕێگه‌ی پۆسته‌وه‌.

فۆڕمەکان:

بۆ زانیاری زیاتر تکایە پەیوەندی بکەن بە نوێنەرایەتی حکومەتی هەرێمی کوردستان لە بەریتانیا لە ڕێگای ژمارە تەلەفۆن 02039279870 ، ئیمێڵ uk@gov.kr