جێگری سەرۆکی حکومەتی هەرێمی کوردستان پێشوازی لە جەیمس کلێڤەرلی دەکات

قوباد تاڵەبانی جێگری سەرۆکی حکومەتی هەرێمی کوردستان پێشوازیکرد لە جەیمس کلێڤەرلی وەزیری کاروباری ڕۆژهەڵاتی ناوەڕاست و باکوری ئەفریقیا  و ستیفن هیکی باڵیۆزی شانشینی یەکگرتوو لە عیراق کرد.

لە دانیشتنێکدا گفتوگۆ دەربارەی دوایین پێشهات و ڕووداوەکانی ناوچەکە و پەیوەندیەکانی نێوان هەولێر و بەغدا بارودۆخی ئەمنی لە ناوچەکە کرا.

جێگری سەرۆکی حکومەتی هەرێم سوپاسی هەڵوێست و ئامادەیی بەردەوامی بەریتانیای کرد لە پێشکەشکردنی هاریکاری بۆ چارەسەرکردنی کێشەکانی نێوان هەولێر و بەغدا و ڕەتکردنەوەی بەکارهێنانی پرسی بودجە و شایستە داراییەکانی هەرێم وەك کارتێکی سیاسی.  قوباد تاڵەبانی ئاماژەی بەوەدا کەوا لەو نزیکانە شاندێکی حکومەتی هەرێم سەردانی بەغدا دەکات بۆ گفتوگۆکردنی زیاتر لەسەر پرسەکانی نێوان هەردوولا و چارەسەرکردنیان. هەر لە دیدارەکەدا تیشك خرایە سەر چۆنیەتی فراوانکردن و هەمەچەشنکردنی پەیوەندیەکانی نێوان شانشینی یەکگرتوو و هەرێمی کوردستان، بە تایبەیش لە سێکتەرەکانی کەلتور، گەشت و گوزار و بازرگانی.   هەردوولا جەختیان لەسەر گرینگی سەقامگیری ئەمن و ئاسایشی ناوچەکە و هەماهەنگی بەردەوامی نێوان هەرێمی کوردستان و شانشینی یەکگرتوو لەو ڕووەوە کردەوە