پەیامی نوێنەری حکومەتی هەرێمی کوردستان لە یادی ٤٦ هەمین ساڵەی بۆردمانکردنی قەڵادزێ

له‌دوو ساڵی جیاو له‌ هه‌مانبه‌روار ٢٤ نیسان، ڕژێمی دیکتاتۆری به‌عس له‌چوارچێوه‌ی تاوانه‌ به‌رده‌وامه‌کانی به‌رامبه‌ر گه‌لی کورد و هه‌ڵرشتنی ڕق و کینه‌ی له‌ وێرانکردنی شارو شارۆچکه‌ و گونده‌کانی کوردستان، شاری قه‌ڵادزێ و هاونیشتمانیانی که‌وته‌ به‌ر هێرشی دڕندانه‌ی به‌عس. جارێک له‌ ٢٤/٤/١٩٧٤ لەلایەن رژێمی دیکتاتۆری سەدام حسێن وەکو بەشێك لە هەوڵەکانی جینۆسایدکردنی گەلی کورد، شاری قه‌ڵادزێی بۆمباران کردو شارەکەی وێرانکرد، که‌ زیاتر له‌ ٣٠٠ هاووڵاتی سیڤلی بێتاوان شەهید و برینداربوون، له‌وکاته‌دا که‌ زانکۆی سلێمانی له‌وێ بوو به‌ئامانج کرابوو.

جارێکی تر لە ٢٤/٤/١٩٨٢ هاوڵاتیانی دەڤەرەکە بۆڕێزگرتن لە قوربانیانی کارەساتەکە خۆپیشاندانێکی جەماوەریان سازکرد دووبارە ڕێژمی دکتاتۆری سەدام حسێن ژمارەیە‌کی زۆری لە خۆپیشاندەران شەهید و بریندار کرد.

له‌ساڵڕۆژی ئه‌و تاوانه‌ گه‌وره‌یه‌دا دروود و سڵاو بۆ گیانی پاکی شەهیدانی بۆمبارانی ساڵی ١٩٧٤ و خۆپیشاندانە پیرۆزەکەی ١٩٨٢ی قەڵادزێی دووجار شەهید و سەرجەم شەهیدانی کوردستان ده‌رده‌بڕین و شه‌هیدان و قوربانیانی ئازادی و دیموکراسی هه‌میشه‌ یادوو یاده‌وه‌رییان به‌رزه‌.

کاروان جه‌مال تاهیر

نوێنه‌ری حکومه‌تی هه‌رێمی کوردستان له‌ به‌ریتانیا

له‌نده‌ن

٢٤ ی نیسانی ٢٠٢٠