نوێنەرایەتی حکومەتی هەرێمی کوردستان بەشداری لە فێستیڤاڵی بازرگانی ڕۆژئاوای لەندەن ٢٠٢٦ دەکات

لەندەن، شانشینی یەکگرتوو، www.uk.gov.krd . بەڕێوەبەری پەیوەندی بازرگانی و وەبەرهێنان لە نوێنەرایەتی حکومەتی هەرێم لە بەریتانیا، هاوڕێ یوسف، بەشداری لە فێستیڤاڵی بازرگانی ڕۆژئاوای لەندەن کرد، کە لەلایەن ژووری بازرگانی ڕۆژئاوای لەندەنەوە ڕێکخرابوو.

له‌ بۆنه‌که‌دا‌ کۆمپانیا نێودەوڵەتییەکان و خاوەنکاران و وەبەرهێنەران ئاماده‌ده‌بن بۆ نمایشکردنی بەرهەمەکانیان، هەروەها بۆ دروستکردنی هاوبەشی و گەڕان بەدوای دەرفەتی بازرگانی نوێ. ئەم فێستیڤاڵە وەک سەکۆیەکی گرنگ خزمەتی دروستکردنی  پەیوەندی و  ئاڵوگۆڕییە بازرگانیەکان دەکات.

لە ساڵانی ڕابردوودا چەندین کۆمپانیا لە هەرێمی کوردستانەوە بەشدارییان لە فێستیڤاڵەکەدا کردووە بۆ پێشکەشکردنی بەرهەمەکانیان و فراوانکردنی پەیوەندییەکانیان لە بازاڕە نێودەوڵەتییەکانیان. ئاماده‌یی ئه‌مساڵ که‌متربوو به‌هۆی گرژییەکانی ناوچه‌ی ڕۆژهەڵاتی ناوەڕاست و داخستنی ئاسمانی ناوچه‌که‌ بە شێوەیەکی کاتی.