نوێنەری حکومەتی هەرێم بەشداری دەکات لە خواردنی بەربانگی پارتی پارێزگاران

لەندەن، شانشینی یەکگرتوو، www.uk.gov.krd. کاروان جمال تاهیر نوێنەری حکومەتی هەرێمی کوردستان بەشداریکرد لە ‌‌خوانی بەربانگ له‌سه‌ر بانگهێشتی دامەزراوەی موسوڵمانانی پارتی پاریزگاران و لە بارەگای سەرەکی پارتەکە لە لەندەن به‌ڕێوه‌چوو.

لە بۆنەکەدا که‌ سه‌رۆکی پارتی پارێزگاران و ژمارەیەك لە ئەندامانی ئەنجومەنی لۆردەکانی بەریتانیا و کاربەدەست و ئەندامانی پارته‌که‌ و ژمارەیەك لە دیپلۆماتکارانی جیهانی بەشداربوون، ژمارەیەك ووتار پێشکەشكران کە ئاماژەیان بە فره‌که‌لتووری و پیرۆزی و گرینگی مانگی ڕه‌مه‌زان و گیانی پێکەوەژیانی هەموو نەتەوە و ئایینە جیاکان کە جێی بایەخێکی گەورەن لەلای دەسەڵات و پارتە سیاسیەکان و کۆمەڵگای بەریتانیا.

نوێنەری حکومەتی هەرێم لە میانەی بۆنەکەدا چاوی کەوت بە سه‌رۆکی پارتی پارێزگاران و لۆرد و ژمارەیەك دیپلۆماتکار و و کاربەدەستانی پارتی پارێزگاران و گفتوگۆ دەربارەی دوایین پەرەسەندنەکانی دۆخی رۆژهەڵاتی ناوەراست و بابه‌ته‌کانی جێی بایه‌خ کران. هاوکات جه‌خت لە پەیوەندی به‌هێزی هه‌رێمی کوردستان و پارتی پارێزگاران و بەریتانیا کرایەوە.

لەندەن
٢٥ی شوباتی ٢٠٢٦