ڤیزە

١. هاووڵاتیانی ئەو ووڵاتانەی خوارەوە پێویستیان بە وەرگرتنی ڤیزەی پێشوەختە نیە، لە کاتی گەیشتنیان بۆ دەروازە سنوریەکانی هەرێم ڤیزەی چوونە ناوەوەیان بۆ ماوەی یەك مانگ پێدەدرێت. ئەگەر ئەو هاووڵاتیانە ویستیان زیاتر لە مانگێك لە هەرێمی کوردستان بمێننەوە، ئەوا دەبێت بەر لە تەواوبوونی ماوەی مانگەکە سەردانی فەرمانگەکانی نشێنگە (إقامة) لە شارەکانی کوردستان بکەن بەمەبەستی درێژکردنەوەی کاتی مانەوەیان. 

ناوی ئەو ووڵاتانەی کە پێویستیان بە ڤیزەی پێشوەختە نیە بۆ سەردانی هەرێمی کوردستان

(بەریتانیا، بەلجیکا، فەڕەنسا، ئەڵمانیا، ئیتاڵیا، لۆکسۆمبۆرگ، هۆلەندا، دانیماڕك، کۆماری ئێرلەندا، یۆنان، پورتوگال، ئیسپانیا، نەمسا، فینلەندا، سوید، قوبڕس، چیك، سلۆڤاکیا، ئیستۆنیا، مەجەڕ، لاتیڤیا، لیتوانیا، ماڵتا، پۆڵەندا، سلۆڤینیا، بوڵگاریا، ڕۆمانیا، کڕواتیا، کەنەدا، ئوستڕالیا، یابان، ویلایەتە یەکگرتووەکانی ئەمریکا، بەڕازیل، کۆریای باشور، نیوزیلەندا، قەتەڕ، کوەیت، ئیماڕات، تورکیا و ئێران). هاوکات هاوڵاتیانی ئێرانی کە هەڵگری (تڕاڤڵ دۆکیومەنت) ی بەریتانیان پێویستیان بە ڤیزەی پێشوەختە نیە. 

داواکردنی ڤیزەی ئەلەکترۆنی پێشوەختە بۆ سەردانی هەرێمی کوردستان:

بۆ هاووڵاتیانی ئەو ووڵاتانەی کە ناوی ووڵاتەکانیان لە لیستی سەرەوەدا نەهاتووە، پێش ئەوەی سەردانی هەرێمی کوردستان بکەن پیویستیان بەوەیە  ڤیزەی ئەلەکترۆنی پێشوەختە لە بەشی کونسوڵگەری سەر بە نوێنەرایەتی حکومەتی هەرێمی کوردستان داوا بکەن. 

پێداویستیەکانی داواکردنی ڤیزەی ئەلەکترۆنی پێشوەختە:

  • پاسەپۆڕت یان تڕاڤڵ دۆکیومەنتی داواکاری ڤیزە
  • وێنەیەکی قەبارەی پاسەپۆڕت
  • ناو و ناونیشان و ژمارەی تەلەفۆن و ئیمێڵی ئەو کەسەی کە سەردانی دەکەن لە هەرێمی کوردستان
  • ناو و ناونیشانی ئەو هۆتێڵەی کە لێی دەمێنیتەوە لە هەرێمی کوردستان
  • ڕسوماتی وەرگرتنی ڤیزە بریتیە لە ١٠ پاوەندی ئیستەرلینی