نوێنه رایه تی حکومه تی هه رێمی کوردستان به شداری له ڕۆژی نیشتیمانی که ته لۆنیا ده کات

لەندەن، شانشینی یەکگرتوو، www.uk.gov.krd. هاورێ یوسف بەڕێوەبەری پەیوەندییەکانی بازرگانی و وەبەرهێنان لە نوێنەرایەتی حکومەتی هەرێمی کوردستان لە بەریتانیا بەشداریکرد لە بۆنەیەکی تایبەت بە بۆنەی ڕۆژی نیشتمانی کەتەلۆنیا.

بەڕێوەبەری پەیوەندییەکانی بازرگانی و وەبەرهێنان بە ناوی نوێنەری حکومەتی هەرێمی کوردستان پیرۆزبایی رۆژی نیشتیمانی هەرێمەکەی لە خاتوو ئێلینا مۆیا نوێنەری تازەی کەتەلۆنیا و گەلی ئەو هەرێمە کرد و هیوای سەرکەوتنی بۆیان خواست. هاوکات  ئاماژەی بە پەیوەندیە بەهێزەکانی نێوان نوێنەرایەتی حکومەتی هەرێم و کەتەلۆنیادا و هیوای خواست لە داهاتوودا ئەو پەیوەندیانە گەشەی زیاتر بەخۆیانەوە ببینن.

لە هەمانکاتدا سوپاسی نوێنەری پێشووی کەتەلۆنیا فڕانسێس کلارێت کرد بۆ هەوڵە بەردەوامەکانی و هەماهەنگی لەگەڵ نوێنەرایەتی حکومەتی هەرێم بەمەبەستی بەهێزترکردنی پەیوەندیە دووقۆڵیەکانی نێوان هەردوو نوێنەرایەتی و هەرێمی کوردستان و کەتەلۆنیا.  

لە بۆنەکەدا کاربەدەستانی حکومەتی بەریتانیا و دیپلۆماتکارە جیهانیەکان بەشداربوون و هەلێکی باش بوو بۆ گفتوگۆکردن دەربارەی دوایین پێشهاتەکان و رۆڵ و پێگەی هەرێمی کوردستان لە ناوچەکە.

لەندەن
١١ی ئەیلولی ٢٠٢٦