نوێنەری حکومەتی هەرێم بەشداری لە بۆنەیەکی رێزلێنان دەکات

شانشینی یەکگرتوو، لەندەن، www.uk.gov.krd. کاروان جمال تاهیر نوێنەری حکومەتی هەرێمی کوردستان بەشداریکرد لە بۆنەیەکی رێزلێنان لە نووسەر و ئەدیب و کەسایەتی کۆمەلگای کوردی لە بەریتانیا سەربەست کەرکوکی.

لە بۆنەکەدا کە لەلایەن رێکخراوی کیاوە رێکخرابوو، وە ژمارەیەك لە دیاسپۆرای کوردستان ئامادەبوون، نوێنەری حکومەتی هەرێم خۆشحاڵی خۆی نیشاندا بە بەشداریکردنی لەو بۆنەیە و پێزانینی خۆی بۆ سەربەست کەرکوکی دەربڕی و بە کەسایەتییەکی دیار و خاوەن پێگەیەکی تایبەت لە ناو کۆمەڵگەی کوردی لە بەریتانیا ناوزەد کرد. ووتیشی ژیان و کارەکانی ناوبراو ڕەنگدانەوەی بەرزترین بەهاکانی ورە، فەرهەنگ و خۆڕاگریی گەلەکەمانن، کە تەمەنێکی تەرخانکردووە بۆ خزمەتکردنی فێربوون، ئەدەب، هۆشیاریی سیاسی و ڕۆشنبیریی گەلەکەی و خزمەتکردنی کۆمەڵگای کوردی لە بەریتانیا.

کاروان جمال تاهیر هاوکات سوپاسی رێکخراوی کیا و عەتا موفتی و تەواوی تیمەکەی کرد بۆ ئەم ده‌ستپێشخه‌رییه‌ جوان و نه‌رێته‌ و ووتی پێویستە پێزانینمان هه‌بێت بۆ ئه‌وانه‌ی که‌ توانا و به‌هره‌کانیان ته‌رخان ده‌که‌ن بۆ کۆمه‌ڵگه‌که‌یان و خزمه‌ت کردن له‌ بواره‌ جیاکانی ژیاندا.
رێکخەرانی بۆنەکە لەلای خۆیانەوە سوپاسی پشتیوانی بەردەوام و ئامادەیی هەمیشەیی نوێنەری حکومەتی هەرێمیان کرد لە چالاکی و بۆنە کەلتوری و کۆمەڵایەتییەکانی ڕەوەندی کوردی لە بەریتانیا، ئەوەشیان بە نیشانەی خەمخۆریی قووڵ و بڕوابوونیانە بە بەهادان بە توانا، ماندووبوون و خزمەتی کەسایەتییە دیارەکانی گەلەکەمان.

لەندەن
١٢ی ئەیلولی ٢٠٢٦