KRG Representation in the United Kingdom
LONDON



  سه‌باره‌ت به‌ حکومه‌تي هه‌رێمي کوردستان

حکومه‌تي هه‌رێمي کوردستان به‌ شێوه‌يه‌کي ديموکراتي هاتۆته‌ هه‌ڵبژاردن له‌ هه‌رێمي کوردستاني عيراق. ده‌زگا سه‌ره‌کييه‌کاني تري هه‌رێم پێک هاتوون له‌ سه‌رۆکايه‌تي هه‌رێمي کوردستان و په‌رله‌ماني کوردستان. ده‌ستووري عيراق داني ناوه‌ به‌ ته‌واوي دام و ده‌زگاکاني هه‌رێم که‌ له‌لايه‌ن خه‌ڵکي کوردستانه‌وه‌ي له‌ هه‌ڵبژاردنێکي ئاشکرا و ئازاد هاتونه‌ته‌ هه‌ڵبژاردن. ئه‌و ده‌زگايانه‌ چه‌ندين مافي دياريکراوييان هه‌يه‌ له‌ دروستکردن و تێپه‌ڕاندني ياسا و تواناکاني جێبه‌جێکردن. سه‌رۆک مه‌سعود بارزاني گه‌وره‌ترين ده‌سه‌ڵاتي جێبه‌جێکاري هه‌يه‌ له‌ هه‌رێم. 

ڕێزدار نێچيرڤان بارزاني سەرۆکي حکومەتي هەرێمي کوردستانە کە حکومه‌تێکي بنکە فراوانە و له‌ گشت پارتە سياسيە براوەکاني هەرێمي کوردستان پێک هاتووه‌ و کۆمه‌ڵێک پارتي سياسي له‌ خۆوه‌ ده‌گرێت که‌ ڕه‌نگدانه‌وه‌ي فره‌ لايه‌نه‌ي خه‌ڵکي هه‌رێم و که‌مه‌ نه‌ته‌وايه‌تييه‌کاني ئه‌و هه‌رێمه‌يه.‌ ڕێزدار قوباد تاڵەباني جێگري سەرۆکي حکومەتي هەرێمي کوردستانە.
حکومه‌تي هه‌رێمي کوردستان که‌ باره‌گاکه‌ي له‌ هه‌ولێري پايته‌خته‌ و 19 وه‌زاره‌ت له‌ خۆوه‌ ده‌گرێت و به‌رپرسيارييه‌تي هه‌ر سێ پارێزگاکه‌ي هه‌ولێر و سلێماني و دهۆک و هه‌ندێک ناوچه‌ي تريش له‌ ئه‌ستۆ ده‌گرێت. 

سياسه‌ته‌کاني حکومه‌تي هه‌رێمي کوردستان: 

کابينه‌ي هەشته‌مي حکومه‌تي هه‌رێمي کوردستان پڕۆگرامي دووباره‌ بنيادنانه‌وه‌ي هه‌رێمي له‌ ئه‌ستۆ گرتووه‌ 
ئێمه‌ هه‌رێمێکي تازه‌ پێگه‌يشتووين له‌ بواري ديموکراسي و باوه‌ڕمان به‌وه‌ هه‌يه‌ که‌ ده‌بێت به‌به‌رده‌وامي کار بکه‌ين بۆ گه‌شه‌پێداني دام و ده‌زگاکانمان، ئه‌ويش به مه‌شق و ڕاهێنان و چاکسازي و ده‌ستپێشخه‌رييه‌کان له‌ بواري شه‌فافييه‌ت. سياسه‌تي حکومه‌ت ئێستا ئه‌وه‌يه‌ که‌ بڕياره‌کاني تايبه‌ت به‌ خه‌رجياتي گشتي به‌ شێوه‌يه‌کي يه‌کسان و دادپه‌روه‌ر 
حکومه‌تي هه‌رێمي کوردستان به‌رده‌وام ده‌بێت له‌ گفتوگۆ له‌گه‌ڵ سه‌باره‌ت به‌ پرسه‌ چاره‌سه‌رنه‌کراوه‌کان، وه‌ک پرسي ناوچه‌ کێشه‌داره‌کان و ياساکاني نه‌وت و غاز و داهاته‌کاني ووڵات. ئێمه‌ له‌و بڕوايه‌ داين که‌ ئه‌و پرسانه‌ ته‌نها له‌ ڕێگاي پابه‌ندبوون به‌ ده‌ستووري عيراقييه‌وه‌ چاره‌سه‌ر ده‌کرێن که‌ به‌ شێوه‌يه‌کي ديموکراسي له‌ لايه‌ن خه‌ڵکي عيراقه‌وه‌ ده‌نگي له‌سه‌ر درايه‌ و په‌سه‌ند کراوه. 

حکومه‌تي هه‌رێمي کوردستان کار بۆ ئه‌وه‌ ده‌کات که‌ که‌ کاره‌ساتي جينۆسايد و ئه‌نفال و بۆمابرانکردني هه‌ڵه‌بجه‌ به‌ چه‌کي کيمياوي به‌ هيچ جۆرێك له‌بير نه‌کرێت و به‌ هيچ شێوه‌يه‌کيش دووباره‌ نه‌بێته‌وه‌. ئێمه‌ هه‌روه‌ها هه‌وڵ ده‌ده‌ين له‌ نزيکه‌وه‌ له‌گه‌ڵ خاوه‌ن بڕياره‌ نێوده‌وڵه‌تييه‌کان بۆ ئه‌وه‌ي تاواني ئه‌نفال وه‌ک جينۆسايد بناسرێندرێت و قه‌ره‌بۆي قوربانياني ئه‌و کاره‌ساته‌ بکرێته‌وه. 

ئێمه‌ بڕوامان به‌ کۆمه‌ڵگايه‌کي مه‌ده‌ني به‌هێز هه‌يه‌و هاني ئه‌و جۆره‌ کۆمه‌ڵگايه‌ش ده‌ده‌ين. هه‌روه‌ها هاريکاري ميديا ده‌که‌ين بۆ ئه‌وه‌ي ڕۆڵێکي بنيادنه‌ر ببينن له‌ گه‌شه‌پێداني گفتوگۆ و گه‌ياندني زانياري ڕاست و درووست بۆ هاووڵاتيان. 
ڕێگه‌ خۆشده‌که‌ين بۆ گه‌نجان و ئافره‌تان که‌ گه‌نجينه‌يه‌کي به‌هێزي هه‌رێمه‌که‌مانن بۆ ئه‌وه‌ي به‌شداري کاريگه‌ر له‌ ژياني سياسيدا بکه‌ن. 


بۆ زانياري زياتر تکايه‌ سه‌رداني ئه‌و ماڵپه‌ڕە بکه‌:

   حکومه‌تي هه‌رێمي کوردستان